Phir le aaya dil...

                   

Na jaane kyun tum wapas aaye...?
Na jaane kyun maine tumhe aane diya...?
Saari puraani yaadon ko lekar,
Aaj tumne toh mujhe rula hi diya.
Jab keh diya maine tumse ke na mil,
Toh aakhir kyun tumhe phir le aaya dil..😢

Tere bina nahi hai koi kami...
Phir bhi kyun hai aakhon me nami...
Shaayad mere iss akelepan ko tumse door rehna raas nahi aaya...
 Zubaan pe bhale tumhara naam na ho, magar aaj tumhe saamne dekhkar iss rooh ko tumse jude rehne ki ummeed h...
 Jaanti hu tum yaha khudse nhi aaye ...tumhe le aaya iss mod ne.
Yaha aakar mai tumse nazar toh na mila rahi hu lekin tumhaari iss nazar ko nazarandaaz bhi nhi kar paa rahi hu...

 Meri galti ka ehsaas karaane aaye ya khudki galti maanne? koi toh wajah hogi.. kehte hai ki jaha gehra rishta hai waha khamoshi hoti hai...uss gehraai ko hi tum samajh nhi paaye,  samajh hi lete toh mujhe hamesha na kehna padtha,
 "Mera woh matlab nhi tha"...

Gile shikwe jo aaj yaad aaye...
Jazbaat ke ghaav ko choo gaye...
"Rehnuma"kehkar jo tumhe pukara tha,
Kaise ik pal me wo bhul gaye...
Lekin aisa lagta hai ke woh baat tumhare mann se miti nahi...
woh berukhi kahin toh ghati nahi,
meri aadat toh aaj bhi chooti nahi...
mujhse milne ki aanch bhi tooti nahi !

Kismat ki naamanzuri ke saamne
Humaare kamzori ka koi mol nhi...
Saamne hokar bhi tumse kuch kehne ke liye mere paas bol nhi...
Ek thehraav mehsoos hone laga hai...
Galati ka ehsaas hone laga hai...
Khamosh zaroor hu...magar shaant hu...
Mai kaun hu? Mai kya hu? Mai kyun hu?
Tumhare saath rehne par in sawaalon ke jawaab dhundti thi...
par tumse door hone par mujhe apne hone pe yakeen aagaya...

Khush hu ki tum wapas aaye...
Khush hu ki maine tumhe aane dia...
Saari puraani yaadon ko lekar,
Tumne toh mujhe badal hi diya...
Nahi kehna tha mujhe tumse ke na mil...
Mai khush hu...ke
Tumhe phir le aaya dil❤